Alcuinus, Officia per ferias, PSALMI PRO QUACUNQUE TRIBULATIONE CANTANDI., PSALMUS.
| 1 | (PSAL. VI.) Domine ne in furore tuo arguas me: neque in ira tua corripias me. |
| 2 | Miserere mei Domine, quoniam infirmus sum: sana me Domine, quoniam conturbata sunt ossa mea. |
| 3 | Et anima mea turbata est valde: sed tu Domine usquequo? Convertere Domine, et eripe animam meam, salvum me fac propter misericordiam tuam. |
| 4 | Quoniam non est in morte, qui memor sit tui: in inferno autem quis confitebitur tibi? Laboravi in gemitu meo, lavabo per singulas noctes lectum meum: lacrymis meis stratum meum rigabo. |
| 5 | Turbatus est a furore oculus meus: inveteravi inter omnes inimicos meos. |
| 6 | Discedite a me, omnes qui operamini iniquitatem: quoniam exaudivit Dominus vocem fletus mei. |
| 7 | Exaudivit Dominus deprecationem meam: Dominus orationem meam suscepit. |
| 8 | Erubescant et conturbentur vehementer omnes inimici mei: convertantur et erubescant valde velociter. |
| 9 | Ut supra. |
| 10 | In memoria aeterna erit iustus. |
| 11 | Animae eorum in bonis demorabuntur. |
| 12 | Oratio. |
| 13 | Ut ne in furore et ira tua animas famulorum tuorum, Domine, arguas, deprecamur: sed cuncta peccaminum labe mundatos, tuae pietatis dono refrigerii locum concede. |
| 14 | Per Dominum. |