Alcuinus, Officia per ferias, PSALMI PRO QUACUNQUE TRIBULATIONE CANTANDI., ORATIO SANCTI AMBROSII.
| 1 | Christe summa Dei virtus, una et indiscreta maiestas, orationis meae tota substantia, invoco nomen sanctum tuum: exaudi me meo mecum corde luctantem, agnoscentem peccata facinorum, et cogitationum crimina confitentem. |
| 2 | Frange, Domine, artes diaboli; fingit enim labiis aliud suggerendo, ipsamque orationem captivat. |
| 3 | Respice, Domine, mei supplicis lacrymas; et cum lacrymae non sint, indulgentiae tuae pietatem infunde. |
| 4 | Custodi in me immaculatam fidem, meque cum proximis semper in pace reconcilia. Fructuos [F., os fructus] tuos panis. . . . . propria largitate distribue. |
| 5 | Tibi inclino cervicem. |
| 6 | Tibi genua flecto. |
| 7 | Te Dominum Deum, cum sis unus, in sancta Trinitate confiteor. |
| 8 | Frange, Domine, contra me inimicorum potestates, erue me de periculis, tuere me in omnibus causis, et in criminatione defende. |
| 9 | Aegro me iacente, et ea, quae explere non possum, quasi sint expleta concede. |
| 10 | ORATIO. Pro familiaribus nostris et cunctis fidelibus defunctis. |
| 11 | Te, Domine sancte Pater omnipotens aeterne Deus, supplices deprecamur pro spiritibus famulorum et famularum tuarum, quos ab origine saeculi huius ad te accersire praecepisti; ut digneris, Domine, dare eis locum lucidum, locum refrigerii et quietis; et ut liceat eis transire portas infernorum, et vias tenebrarum, maneantque in mansionibus sanctorum, et in luce sancta, quam olim Abrahae promisisti et semini eius. |
| 12 | Nullam laesionem sustineant animae eorum, sed cum magnus ille dies resurrectionis ac remunerationis advenerit, resuscitare eos digneris Domine, una cum sanctis et electis tuis: et ut deleas eorum delicta atque peccata, usque ad novissimum quadrantem, tecumque immortalitatis vitam et regnum consequantur aeternum. |
| 13 | Ut supra. |
| 14 | Ne tradas bestiis. |
| 15 | Requiem aeternam. |
| 16 | Iustorum animae. |