Alcuinus, Officia per ferias, PSALMUS.
| 1 | (PSAL. LIX.) Deus, in adiutorium meum intende: Domine, ad adiuvandum me festina. |
| 2 | Confundantur et revereantur, qui quaerunt animam meam. |
| 3 | Avertantur retrorsum et erubescant, qui volunt mihi mala. |
| 4 | Avertantur statim erubescentes: qui dicunt mihi: Euge, euge! Exsultent et laetentur in te omnes, qui quaerunt te: et dicant semper: magnificetur Dominus, qui diligunt salutare tuum. |
| 5 | Ego vero egenus et pauper sum: Deus adiuva me. |
| 6 | Adiutor meus et liberator meus es tu: Domine, ne moreris. |
| 7 | Ut supra. |
| 8 | Ego dixi, Domine miserere mei. |
| 9 | Deus ne elongeris a me: Deus meus in auxilium meum respice. |
| 10 | Ego autem in te, Domine, semper sperabo: et adiiciam super omnem laudem tuam. |
| 11 | Adiuva me, Domine Deus meus: salvum me fac secundum misericordiam tuam. |
| 12 | Oratio. |
| 13 | Inexhausti adiutorii Deus aeterne, ad adiuvandum familiae, tuae supplicanti [Cod. Reg., familiae supplici] festinus occurre: ut evictis macularum [Cod. Reg., ut evictis malorum] opprobriis, tuis semper auxiliis muniamur. |