Alcuinus, Officia per ferias, PSALMUS.
| 1 | (PSAL. CXLVII.) Lauda Hierusalem Dominum: lauda Deum tuum, Sion. |
| 2 | Quoniam confortavit seras portarum tuarum: benedixit filiis tuis in te. |
| 3 | Qui posuit fines tuos pacem: et adipe frumenti satiat te. |
| 4 | Qui emittit eloquium suum terrae: velociter currit sermo eius. |
| 5 | Qui dat nivem sicut lanam: nebulam sicut cinerem spargit. |
| 6 | Mittit crystallum suum sicut buccellas: ante faciem frigoris eius quis sustinebit? Emittet verbum suum, et liquefaciet ea: flabit spiritus eius, et fluent aquae. |
| 7 | Qui annuntiat verbum suum Iacob: iustitias et iudicia sua Israel. |
| 8 | Non fecit taliter omni nationi: et iudicia sua non manifestavit eis. |
| 9 | Ut supra. |
| 10 | Confitebor Domino secundum iustitiam eius, et psallam nomini Domini Altissimi. |
| 11 | Oratio. |
| 12 | Conforta, Domine, portas Ecclesiae tuae, et pone terminis eius pacem, eique adipem spiritalis tritici dignanter attribue. |
| 13 | Per. |