Alcuinus, Officia per ferias, PSALMUS.
| 1 | (PSAL. CXII.) Laudate, pueri, Dominum; laudate nomen Domini. |
| 2 | Sit nomen Domini benedictum: ex hoc nunc et usque in saeculum. |
| 3 | A solis ortu usque ad occasum: laudabile nomen Domini. |
| 4 | Excelsus super omnes gentes Dominus: et super coelos gloria eius. |
| 5 | Quis sicut Dominus Deus noster, qui in altis habitat: et humilia respicit in coelo et in terra? Suscitans a terra inopem: et de stercore erigens pauperem. |
| 6 | Ut collocet eum cum principibus: cum principibus populi sui. |
| 7 | Qui habitare facit sterilem in domo: matrem filiorum laetantem. |
| 8 | Ut supra. |
| 9 | Sit nomen eius benedictum in saecula, ante solem permaneat nomen eius. |
| 10 | Et benedictum nomen maiestatis eius in aeternum, et replebitur maiestate eius omnis terra: Fiat, fiat. |
| 11 | Oratio. |
| 12 | Laudantes benedictum nomen tuum omnipotens Deus, rogamus ut nos in sinu matris Ecclesiae collocatos charitatis tuae facias stabilitate connecti. |
| 13 | Per. |