Alcuinus, Epistolae, EPISTOLA CCX. COMMENDATITIA AD AMICOS. Commendatitia cuiusdam presbyteri Fordradi ad amicos.
| 1 | Fraternae dilectionis amicis per diversas nominum dignitates, Albinus conservus in Christo vester salutem. |
| 2 | Licet terrarum longinquitas diversas Christianorum faciat habitationes, tamen sanctae charitatis societas, sub uno pastore Christo, unum eos facit esse gregem. |
| 3 | In cuius fiducia vestrae pietati per precatorias nostrae parvitatis litteras hunc presbyterum, Fordradum nomine, diligentissime commendo, ut dilectionis vestrae iuvamine suffultus facilius sanctae peregrinationis viam peragat, et vestrae bonitatis merces ante oculos omnipotentis Dei 221-267 augeatur. |
| 4 | Qui est via, vita et veritas (Ioan. XIV, 6), vobis viam vestrae salutis ostendere, et veritatem [Edit., requiem] aeternae gloriae tribuere, et beatissimam vitam concedere dignetur. |
| 5 | [Proficientem te, charissime frater, divina auxilietur gratia in aeternum.] |