Alcuinus, Epistolae, EPISTOLA CLXXIV. AD REMIGIUM EPISCOPUM. Commendat illi negotiatorem in Italiam proficiscentem: animam vero Ioseppi illius orationibus.
| 1 | Dulcissimo Patri Remigio episcopo, Albinus humilis filius salutem. |
| 2 | Hunc nostrum negotiatorem, Italiae mercimonia ferentem, his litteris tuae paternitatis commendo protectioni, ut per vias vestrae patriae tutus eat et redeat; et in montium claustris a nostris non teneatur teloneariis constrictus, sed per latitudinem charitatis latam habeat eundi et redeundi semitam. |
| 3 | Iubeas, obsecro, orare pro anima Ioseppi discipuli mei. |
| 4 | Floreas et proficias de virtute in virtutem (Psal. LXXXIII, 8), donec videas laetus ut gaudens Deum tuum in Sion. |
| 5 | Memorque sis mei, sanctissime Pater, obsecro. |