Alcuinus, Epistolae, 166, XII.
| 1 | Haec et eiusmodi, reor, inculcanda simplicibus; eo quod ignorantia veritatis cogat errare quamplurimos. |
| 2 | Porro veritate manifestata contrarii confundentur, amici solidabuntur, universi vero pariter excusatione carebunt. |
| 3 | Ista, supplico, dignanter ac diligenter inspicite. |
| 4 | Vestrae siquidem fidelitatis immensitas parvitatem meam reddit impatientem pro vobis, facit etiam supra vires audentem. |
| 5 | Enim vero fidem non perdit, nisi qui nunquam habuit. |
| 6 | In cuius manu sunt reges et iura regnorum, ipse coronas vestras multiplicet, tueatur, obumbret. |