Alcuinus, Epistolae, 166, VII.
| 1 | Hic si veritas quaeritur, non est incognita; si ratio, non est ambigua; si auctoritas, non est incerta. |
| 2 | Quoniam et auctoritas supereminet, et ratio patet, et veritas abscondi non potest. |
| 3 | VIII. Tripartita distributione videntur ista omnia includi, consulentium scilicet, ac nocentium, et eorum qui sic inter utrosque semper ambigui sunt, ut quos obtinere perspexerint, eis se continuo socient. |
| 4 | Sunt ergo consulentes utiliter adiuvandi, resistentes autem viriliter obviandi; dubii vero vel rationabiliter attrahendi, vel circumspecte dissimulandi; cunctisque monstrandum, nec auctoritatem posse corrumpi, nec rationem vinci, nec veritatem penitus superari. |