Alcuinus, Epistolae, EPISTOLA CLIX. AD ARNONEM. Commendat illi discipulum grammaticae, quem vitulum vocat.
| 1 | Dilectissimo Aquilae Albinus matricularius perpetuae beatitudinis in Christo salutem. |
| 2 | Direxi ho [Al., o] animal vitulum Encheridion meum, ut adiuves illum et eripias eum de manibus inimicorum suorum, et adiuva quantum valeas [quia venerabilis episcopus multum ardet super nos, id est, Theodulphus]. |
| 3 | Misi quoque in ora pueri huius, quamvis vitulus contra naturam rationale sit animal, quod ipse in auribus sanctitatis vestrae habet mugire. |
| 4 | [Habeo [Habui] enim illum ad erudiendum Deo mecum in domo mea et poterit proficere, Deo dante, in lectionis studio seu grammaticae artis disciplina in domo sancti Martini]. |
| 5 | O Aquila! |
| 6 | hi in curribus et hi in equis, nos autem in nomine Domini nostri magnificabimur (Psal. XIX, 8). |
| 7 | Valeas, vigeas semper in aeternum. |