Alcuinus, Epistolae, EPISTOLA CL. AD MAURUM. (Anno 802.) Petit a Mauro (Rabano) libellum sibi promissum.
| 1 | Benedicto sancti Benedicti puero Mauro Albinus salutem Libellum quem me rogante scribi promisisti, rogo ut tua faciat promissio firma et mea impleatur laetitia. |
| 2 | Multis haurientibus fons non siccatur venae vivae, ita nec vestra minuitur sapientia, tametsi nostra inde hauriat indigentia. |
| 3 | Noli spernere me rogantem, nec te promittentem abnuere; sed veritas tua fiat satietas mea. |
| 4 | Dilige diligentem te, et da petenti, ut omnia. |
| 5 | Quia lex mandat parenti placere. |
| 6 | Valeas feliciter cum pueris tuis, et in populo charitatis orantes pro me fratres saluta. |