Alcuinus, De rhetorica et virtutibus, DE OFFICIO PERSONARUM.
| 1 | CAR. Quia personas causarum dixisti, dic obsecro et loca singularum personarum. |
| 2 | - ALB. Dicam, licet hoc non tantum ad artis praecepta pertineat [Edit. haec . . . pertineant], quantum ad officii decerem. |
| 3 | Iudex in tribunali, causa in medio ante eum ad laudem vel ad poenam posita, ut forte patriae defensio vel proditio. |
| 4 | Accusator ad sinistram. |
| 5 | Causae defensor ad dextram. Testes retro [Edit., quoque]. |
| 6 | CAR. An insignia [sua] singuli ex illis habent? - ALB. Habent. |
| 7 | Iudex sceptro aequitatis armandus est, accusator pugione malitiae, defensor clypeo pietatis, testes tuba veritatis. |