Alcuinus, De orthographia, littera e
| 1 | exsilium s debet habere. |
| 2 | item x transit in f litteram, ut effluo effodio effero efficio. |
| 3 | exuuiae per u; exubiae per b scribatur. |
| 4 | exsequiae per q scribendum est. |
| 5 | emporium sine h, Latine mercatus. |
| 6 | emolumentum per e; aemulatio per ae scribendum. |
| 7 | exsul addita s debet scribi, quia extra solum est. |
| 8 | exultat melius sine s scribitur, quia x ex c et s constat. |
| 9 | aequor per ae diptongon scribendum, quia ab aqua est nomen factum. |
| 10 | exprobrat qui commemorat quae praestat; opprobrat qui opprobrium obiectat, hoc est uitium. |
| 11 | exspectatur, id est uenturus, spectatur qui uidetur uel probatur, per s. |
| 12 | exercitus laboribus, exercitatus studiis sine s. |
| 13 | exstruere est in altum struere; instruere aciem uel actionem; astruere affirmare; construere in struendo coniungere; substruere aliqua supra posita supter struere. |
| 14 | eorundem et earundem per n, non per m. |
| 15 | ex praepositio, sequentibus b d g l m n litteris et u et i loco consonantium, x litteram amittit, ut ebibit edidit egessit elusit emicuit eneruauit; sequente uero f in eandem x mutat, ut effundo. |
| 16 | ex praepositio ad f litteram formatur, ut effluo effodio effero efficio, ideo autem per duo f scribendum. |
| 17 | esto, ecce consentio. |
| 18 | expecto ab eo quod est pectino, sine s scribendum. |
| 19 | exire sine s, ire enim est simplex et quaecumque ex hoc formantur, ut exitus exitium exitiale. |
| 20 | ecquid per c in prima syllaba, quoniam significat en quid, n in c conuersa. |
| 21 | exscindo exsculpo exstruo exsisto per s dicimus: sistere enim est. |
| 22 | edo ab edendo facit es est. |
| 23 | exiguae sine s. |
| 24 | ex pro extra inuenitur poni, ut excludo extracludo, exsul extra solum; modo pro ualde, ut excelsus id est pro ualde celsus; modo priuatiuum est uel intentiuum uel perfectiuum, ut exstirpo extendo expleo. |
| 25 | e in compositione priuatiuum est uel intentiuum, ut enodes trunci, enarro. |
| 26 | expergiscor et experior expertus sum faciunt praeteritum. |