| 1 | Continet iste decem naturae verba libellus, Quae iam verba tenent, rerum ratione stupenda, Omne quod in nostrum poterit decurrere sensum. |
| 2 | Qui legit, ingenium veterum mirabile laudet, Atque suum studeat tali exercere labore, Exornans titulis vitae data tempora honestis. |
| 3 | Hunc Augustino placuit transferre magistro De veterum gazis Graecorum clave Latina: Quem tibi rex, magnus sophiae sectator, amator, Munere qui tali gaudes, modo mitto legendum. |