| 1 | Nudus erat hospes, placeat cui ludere mecum, Atque fovere meo corpora fonte sua. |
| 2 | Qui piscis quondam gelidis generavit in undis, Nunc calidus homini forte minister erit. |
| 3 | Nunc ligno vehitur, quondam qui ligna vehebat, In pratis currens, stat piger in domibus. |
| 4 | Dum nudus veniat calidam pius hospes in aulam, Fontibus ut lavet hic sua membra meis; Obsecro, ne videat, proprios avertat ocellos, Contexit primi quod rea dextra patris Hoc natura docet, hoc et persuasit honestas, Ut tibi sit facies semper honesta puer. |