monumenta.ch > Alcuinus > CAPUT VII. > CAPUT V. > CCXXXVI. Vota pro familia regia. > II. > CCXVII. Ibidem. > IX. De sancto Ioanne Baptista. > CCLXXI. Vates vivens post mortem. > CXLV. Ad aram sanctorum Patricii et aliorum Scotorum. > ex Baronii tomo IX Annal. Eccles. ad annum 778. > XVII. > CXCIX. Ad ecclesiam ubi sanctorum reliquiae coluntur. > XIX. > XIII. > XII. > XVIII. > CCXXXII bis. Ad eumdem. > 20 > XXII. > CLXXXVII. Ad aram sancti Ioannis Baptistae. > XI. > X. > Cornelii et Cypriani. > XVI. > CCLXXVI. De luscinia. > XXI. > CCXII. Adhortatio ad excutiendum somnum. > II. > CCXLIV bis. Ad Aquilam.
Alcuinus, Carmina, VERSUS AD VARIOS., , CCXLIV. Ad Aquilam (Arnonem) episcopum Salisburgensem. <<<     >>> CCXLV. Ad quemdam episcopum.

Alcuinus, Carmina, VERSUS AD VARIOS., CCXLIV bis. Ad Aquilam.

1	Tingue semel calamum charitas in gurgite Christi Fac paucos Aquilae versiculosque meo: Cuius amore calent Patris praecordia tota, Omnibus atque horis nomen in ore sonat.
2	Cui Deus aeternum tribuat per saecula salve, Protegat, exaltet, fructificet, vegetet.
3	Quem mea mens ardet sacris religata catenis, Ambit et exquirit, diligit et memorat.
4	Tertius Albinus vobis iungatur amicus, Et lacrymas resonet inter in ore sacras.
5	Quippe triplex funis facile non rumpitur unquam, Sic quoque tres inter firma viget charitas.
6	Tres ubi sunt pariter collecti in nomine Christi, His astat medius Christus et ipse pius.
7	Hoc memorate, viri, totumque valete per aevum, Vos videam laetos mox, miserante Deo.
8	Corporis et capitis omnes tunc certe capilli Pierio plectro carmina laeta canant.
9	Orpheus aut Linus, nec me Maro vincit in odis Dum manibus cingam pectora vestra meis.

Alcuinus HOME
bnf1096.63