monumenta.ch > Alcuinus > CAPUT VII. > CAPUT V. > CCXXXVI. Vota pro familia regia. > II. > CCXVII. Ibidem. > IX. De sancto Ioanne Baptista. > CCLXXI. Vates vivens post mortem. > CXLV. Ad aram sanctorum Patricii et aliorum Scotorum. > ex Baronii tomo IX Annal. Eccles. ad annum 778. > XVII. > CXCIX. Ad ecclesiam ubi sanctorum reliquiae coluntur. > XIX. > XIII. > XII. > XVIII. > CCXXXII bis. Ad eumdem. > 20 > XXII. > CLXXXVII. Ad aram sancti Ioannis Baptistae. > XI. > X. > Cornelii et Cypriani. > XVI. > CCLXXVI. De luscinia. > XXI. > CCXII. Adhortatio ad excutiendum somnum. > II. > CCXLIV bis. Ad Aquilam. > CLXXXVI. Ad aram sanctorum archangelorum. > CLXXX. Ad aram sanctorum Salvii et Amandi. > CCXXXVIII. De Richbodone ad Angilbertum.
Alcuinus, Carmina, VERSUS AD VARIOS., , CCXXXVII. Allocutio ad Musas in gratiam regalis pueri . <<<     >>> CCXXXVIII bis. Flaccus ad Homerum [Angilbertum ].

Alcuinus, Carmina, VERSUS AD VARIOS., CCXXXVIII. De Richbodone ad Angilbertum.

1	Obtulit altithrono parvus munuscula servus Richbodo, quae cernis, lector, in aede sacra, Ob scelerum veniam, ob vitae coelestis amorem; Pro quo quisque legas, funde preces Domino: Pro te, proque tuis quas fundes, frater amate, Ad haec, dum venias, limina sacra domus, Christus ab aetherea clemens exaudiat arce, Te faciens, lector, corde redire domum.
2	Te rogo, sancte Pater, supplex per carmina nostra Sis memor et nostri, te, rogo, sancte Pater - Dulcis Homere, precor, Flacci memor esto poetae, Sis memor ut Samuel, dulcis Homere, precor.
3	Auxiliare senem nostros, rogo, tu per amicos, Est locus insenos auxiliare senem Est mihi certa fides de te, charissime frater, Cum Christo et sanctis sit tibi certa salus.
4	Pro mundo moriens hic mundi vita pependit, Abluit omne huius sanguinis unda nefas: Dum caput inclines mundum super erigit astra, Et mirum saeclis, mors tua vita fuit.
5	Agnus ab hoste sacer, populum qui per mare duxit, Nunc melius mundum salvat ab hoste suum.
6	Aeneus en serpens, populi qui vulnera sanat, Nunc tu peccator aspice mente pia.

Alcuinus HOME