| 1 | Pergite, Pierides, musali pollice flores Carpere, qui liquidis crescunt prope fontibus amuis: Regali ut iuveni faciatis serta salutis. |
| 2 | Ut variis totus fulget virtutibus ille, Nobilitate cluens, laudabilis orbe, paterna; Sic vos florigeri decurrite prata decoris: Vertice Castalidum iuvenali et pangite stemma, Fulgeat in roseo vertex virtutis honore. |
| 3 | Illic et sophiae clarescat lilia condens. |
| 4 | Iustitiae violis variet per tempora fulgor, Et crocea rutilet verecunda modestia vultu. |
| 5 | Talibus his iuvenem sertis ornate, Camenae. |
| 6 | Ecce tuas aures, iuvenum clarissime, donis, Versifico volui pauxillum tangere plectro, Et tibi perpetuam Musis mandare salutem. |
| 7 | Florigeris utinam vigeas per saecula sceptris, Atque Deo iunctus teneas coelestia regna. |