| 1 | Hoc sacer observat dilubrum Matthias almum, Unus qui fertur de septuaginta fuisse Discipulis Domini, qui sacrum dogma docebant. |
| 2 | Quem Deus electum signavit sorte superna, Dum Iudas Scarioth, stropha deceptus iniqua, Culmen apostolici celsum perdebat honoris, Atque fibras olidas tetro cum viscere fundit, Cum crepuit medius laqueo suspensus ab alto; Qui Dominum lucis, redimentem sanguine secla, Vendidit, ut cupidus fulvum numisma capessat. |
| 3 | Matthias idcirco, spreto latrone nefando In Domino fretus numerum supplevit eumdem, Iunctus apostolicis gratatur iure triumphis. |