monumenta.ch > Alcuinus > XLVIII. Ad sanctos Gregorium et Hieronymum. > CXVI. Ad conditorium sanctarum reliquiarum. > XXIX. Ad templum sancti Michaelis ab Arnone reparatum. > CXX. Ad ecclesiam sancti Petri.
Alcuinus, Carmina, IX. IN MONASTERIIS S. PETRI SALISBURGENSI ET S. AMANDI ELNONENSI., , CXIX. De via duplici ad scholam et cauponam. <<<     >>> CXXI. Ad aram beatae virginis Mariae.

Alcuinus, Carmina, INSCRIPTIONES VARIAE ECCLESIARUM, IX. IN MONASTERIIS S...., CXX. Ad ecclesiam sancti Petri.

1	Claviger aetherius, portas qui pandit Olympi, Petrus, apostolico praeclarus in agmine princeps, Protegat hanc aulam Christo donante per aevum, Quam Pater egregius Hrodbertus fecerat olim, Ut foret altithrono laus, gloria semper in illa, Septies inque die laudes ubi dicere Christo Conveniunt pariter, devoto pectore, fratres.
2	Vos, dum signa sonent, prompti concurrite cuncti, Vertice submisso, devota mente venite.
3	Angelicus quoniam coetus vos spectat in aula, Et Deus auxilium humilis fert corde precantis.
4	Ante altare Dei lacrymas quapropter amaras Fundite, dulcisona pariter cum laude Tonanti, Ut vos conservet pariter pietate paterna.

Alcuinus HOME