| 1 | Urbibus egregiis, quarum nova culmina surgunt, Famigerae laudes et super astra volant; Vatiferem veterum celebrant quas carmine libri, Multiplices auri nec numerantur opes. |
| 2 | Haec est, quam cernis, silvestri rustica tecto, Constructa in eremo cellula nobilior. |
| 3 | Haec studiis floret sacris et sophica iura Perlegit, et tractat clancula dicta senum. |
| 4 | Venditor atque senum volvunt mendacia mille Illic; ut capiat fraude mala socium: Quaeritur hic verum per syllogistica sacrum, Claustra modis variis famine pacifico. |
| 5 | Saepius ebrietas sensum mala subruit illic; Ducitur et famuli vix Dominus manibus. |
| 6 | Aspicit hic vester ieiunia longa legentum, Atque epulis pascit sobria corda sacris. |
| 7 | Ad te, Christe, preces veniant, mitissime, nostrae, Ad nos adveniat gratia, Christe, tua. |