| 1 | Huius hic pausat praeclarus episcopus urbis Nomine Ioannes, vir pius atque bonus. |
| 2 | Hic requiescit Aper, huius venerabilis abbas Ecclesiae pastor, promptus in omne bonum. |
| 3 | Sed pedibus populi fuerant calcata sepulcra, Nec paries cinxit, ut decuit patribus. |
| 4 | Hoc Ato non suffert Aperi successor honoris, Corpora calcari sacra patrum pedibus: Sed monumenta brevi placuit concingere muro, Pervia ne populi busta forent pedibus. |
| 5 | Addidit et nostrae statim pia signa salutis, In quo Salvator victor ab hoste redit. |
| 6 | Insuper altare statuit venerabile Christo, In quo pro patribus hostia sacra foret. |
| 7 | Ut Deus omnipotens requiem concederet illis, Cum sanctis pariter, semper in arce poli. |