monumenta.ch > Alcuinus > XCI. Ad aram sanctorum Cosmae et Damiani. > XCV. Ad oratorium sancti Andreae apostoli. > CIII. De eodem Magnulfo abbate. > LXXXV. Ad oratorium sanctorum Martini et Gelasii.
Alcuinus, Carmina, IV. IN QUODAM MONASTERIO, FORTE NOBILIACENSI., , LXXXIV. Ad cellam hospitum. <<<     >>> LXXXVI. Ad ecclesiam beatae virginis Mariae Nobiliaci.

Alcuinus, Carmina, INSCRIPTIONES VARIAE ECCLESIARUM, IV. IN QUODAM MONASTERIO,..., LXXXV. Ad oratorium sanctorum Martini et Gelasii.

1	Pontificalis apex praeclarus in orbe sacerdos, Virtutum meritis Martinus maximus auctor, Haec sacrata sibi defendat tecta patronus: Adiuvet atque preces nostras pietatis amore, Ut Deus omnipotens famulorum vota suorum Impleat, et donis coelestibus augeat illos.
2	Sit pius et clemens nobis rex optimus ille.
3	Hoc quoque iam pausat praesul Gelasius almus, Clarus in urbe pater praesente, et doctor honestus, Praecipuus meritis, vivax sermone salutis.
4	Hanc renovavit enim iam Gundum me prius aulam Ductus amore Patrum, tribuat cui praemia Christus Mitis in aeternum felici in sede polorum.

Alcuinus HOME