| 1 | Hic pueri discant senioris ab ore magistri, Hymnidicas laudes ut resonare queant. |
| 2 | Hauriat os tenerum lymphas devote salutis, Forsan in ecclesia ne sileat senior. |
| 3 | Sunt anni iuvenum habiles addiscere quidquam: Usus in antiquis postulat Ecclesiae, Instruat in studiis iuvenum bona tempora doctor, Nam fugiunt anni more fluentis aquae. |
| 4 | Annosus sylvis quercus vix flectitur unquam, Sed frangit hominis dextra potentis eam. |
| 5 | Nam nec senior multis adsueta rapinis Sub iuga nullatenus fortia colla dabit. |
| 6 | Nec bene namque senex poterit ediscere, per quem Tondentem in gremium candida barba cadit. |
| 7 | Esto pius, pueris studiosus et esto magister, Vos vestros, pueri, semper amate patres. |
| 8 | Ut maneat nobis dulcis benedictio Patris, Et ne nam natus mente tenente duos. |