| 1 | Quam imprimis speciosa quadriga! homo, leo, vitulus et aquila, Septuaginta unum per capitula, colloquuntur de Domino paria. |
| 2 | In secunda subsequuntur protinus, homo, leo, loquitur et vitulus, Quibus inest ordinate positus, decimus atque novem numerus. |
| 3 | Tunc deinde tertius in ordine, homo, pecus, bos loquitur cum volucre; In numero quo [Edit., In numeroque] consistunt antiquae alphabeti Hebraeorum litterae. |
| 4 | Quarto loco fantur aequalia, una homo, leo, atque aquila. |
| 5 | Uno ore loquentes capitula verbi summi sena atque vicina. |
| 6 | Quinta vice concordant in loquela, homo prudens atque mitis hostia. |
| 7 | Iesu Christi imitantes agmina Iuda sine Salvatoris credula. |
| 8 | Ecce sexto patri sonat clamore natus Adam cum clamoso leone. |
| 9 | Computatis traditis pro munere sacerdotum oppidis honore. |
| 10 | En loquuntur septies in septimo, homo, avis, consona de Domino. |
| 11 | In octavo nunc leonius catulus, quorum verborum comparatur numerus adiecto Paulo apostolo. |
| 12 | Nonus ordo in quo duo pariter colloquuntur vitulus et volucer, Inspirati sensu spiritaliter proloquuntur ternum simpliciter. |
| 13 | Homo nempe verbum profert proprium XL et per duo numerum Rugientemquem leonem audaciter solum sane decies et novies. |
| 14 | Bovem [Edit., bonum] solum fantem invenies, verbi divis et septuagies. |
| 15 | Subvolantem ad astra reperies, nonagies loqui atque septies. |