Alcuinus, Adversus Elipandum, EPISTOLA ALBINI MAGISTRI AD ELIPANDUM..., III.
| 1 | Similiter invenimus in praefati Patris epistolis: « Christum, qui ex Virgine natus est, verum non esse Deum, sed nuncupativum; » quod omnino catholica respuit fides: quia sicut unus esse non potest filius proprius et filius adoptivus, ita nequaquam unus esse potest verus Deus et nuncupativus Deus. Estne verus Deus qui iudicaturus est mundum? Et quis est qui iudicaturus est mundum? Vere omnino qui ex Virgine natus est, ipsa Veritate attestante: Pater enim non iudicat quemquam, sed omne iudicium dedit Filio, ut omnes honorificent Filium, sicut honorificant Patrem. Et paulo post: Sicut Pater habet vitam in semetipso, sic et Filio dedit habere vitam in semetipso, et potestatem (0237C) dedit ei iudicium facere, quia filius hominis est (Ioan. V, 22 seq.). Item beatus Paulus apostolus dicit: Omnes nos oportet stare ante tribunal Christi (II Cor. V, 8). Et in alio loco: Omnes enim stabimus ante tribunal Dei (Rom. XIV, 13). Velim credas, sanctissime Pater, ut qui eum nunc verum Deum negat, etiam tunc verum Deum eum cognoscat et probet [Cod. Paris., probat] iudicatus. |
| 2 | Veritatis probatio erit potestatis manifestatio. |
| 3 | Quando [Cod. Vat., Quomodo] non est verus Deus, de quo legimus in Evangelio: Cum autem venerit Filius hominis in maiestate sua, et omnes angeli cum eo: tunc sedebit in sede maiestatis suae, et congregabuntur ante eum omnes gentes (Matth. XXV, 31)? De quo multo ante praedictum est: Et adorent eum omnes angeli Dei (Psal. (0237D) XCVI, 8). |
| 4 | Si Deus non est verus, cur adoratur ab angelis? Et si Filius Dei non est verus, cur sedet in dextera Dei Patris? Hunc ergo Christum et Psalmista Deum esse testificatur [Cod. Vat., testatur]: Ascendit Deus in iubilatione, et Dominus in voce tubae (Psal. XLVI, 6). |
| 5 | Item: Deus noster manifeste [Cod. Paris., manifestius] veniet, Deus noster non silebit: ignis in conspectu eius ardebit, et in circuitu eius tempestas valida. |
| 6 | Advocavit coelum desursum, et terram discernere populum suum (Psal. XLIX, 3, 4). |
| 7 | De quo etiam idem Psalmista paulo ante ait, ut discerneret eum ab aliis qui dii dicuntur: Deus deorum Dominus locutus est et vocavit terram. |
| 8 | A solis ortu et occasu, ex Sion species decoris eius (Ibid., I, 2). |
| 9 | De (0238A) cuius praedicatione Propheta ait: De Sion exibit lex, et verbum Domini de Ierusalem (Isai. II, 3). |