1bmv399.85 r Sibyllae generaliter dicuntur omnes feminae vates lingua Graeca. Nam σιὸς Aeolico sermone deos, βουλὴν Graeci mentem nuncupant, quasi dei mentem. Proinde igitur, bnf7589.62 v quia divinam voluntatem hominibus interpretari solebant, Sibyllae nominatae sunt. 2 Sicut enim omnis vir prophetans vel vates dicitur vel propheta, ita omnis femina prophetans Sibylla vocatur. Quod nomen ex officio, non ex proprietate vocabuli est. 3 Decem autem Sibyllae a doctissimis auctoribus fuisse traduntur. hab64.90 rbnf10291.67 Quarum prima de Persis fuit; secunda Libyssa; tertia Delphica in templo Delphii Apollinis genita, quae ante Troiana bella vaticinata est, cuius plurimos versus operi suo Homerus inseruit. 4bsb71097.246 Quarta Cimmeria in Italia; quinta Erythraea nomine Herophila in Babylone orta, quae Graecis Ilium petentibus zos32.136v vaticinata est perituram esse Troiam, et Homerum mendacia scripturum. Dicta autem Erythraea, ubbf_iii_0015.89v quia in eadem insula eius inventa sunt carmina. bsb9201.255 Sexta Samia, bav281.120 r quae Phemonoe dicta est, a Samo insula, unde fuit cognominata. 5 Septima Cumana, nomine Amalthea, quae novem libros adtulit Tarquinio Prisco, in quibus erant decreta Romana conscripta. Ipsa est et Cumaea, de qua Vergilius Ecl. 4, 4:
Ultima Cumaei venit iam carminis aetas.
Dicta autem Cumana a civitate Cumas, quae est in Campania, cuius sepulchrum in Sicilia adhuc manet. 6 Octava Hellespontia in agro Troiano nata, quae scribitur Solonis et Cyri fuisse temporibus; nona Phrygia, quae vaticinata est csg231.283 Ancyrae, decima Tiburtina, nomine Albunea. 7 Quarum omnium carmina efferuntur, in quibus de Deo et de Christo et gentibus multa scripsisse manifestissime conprobantur. Celebrior autem inter ceteras ac nobilior Erythraea perhibetur.