monumenta.ch > Isidorus > 6
Isidorus, Etymologiae, Liber 8, V De haeresibus christianorum <<< >>> VII De poetis
zos32.134r hab64.119 v-b8 bnf7589.61 v VI De philosophis gentium HIDE LINKS TO MANUSCRIPTS SHOW TRANSLATION LINKS
1 Philosophi Graeca appellatione vocantur, qui Latine amatores sapientiae interpretantur. Est enim Philosophus qui divinarum et humanarum [rerum] scientiam habet, et omnem bene vivendi tramitem tenet. 2 Nomen Philosophorum primum a Pythagora fertur exortum. bnf11864.118 Nam dum antea Graeci veteres sophistas, id est sapientes, aut doctores sapientiae semetipsos iactantius nominarent, iste interrogatus quid profiteretur, verecundo nomine philosophum, bnf7585.95 r id est amatorem sapientiae se esse respondit, quoniam sapientem profiteri arrogantissimum videbatur. 3 Ita deinceps posteris placuit ut, quantalibet de rebus ad sapientiam pertinentibus doctrina quisque vel sibi vel aliis videretur excellere, non nisi philosophus vocaretur. bnf10291.65 Idem autem philosophi triplici genere dividuntur: nam aut Physici sunt, bnf426.170 aut Ethici, aut Logici. 4 hab64.120 r Physici dicti, quia de naturis tractant. Natura quippe csg231.277 Graece φύσις vocatur. bsb71097.242 Ethici, quia de moribus disputant. 5 Mores enim apud Graecos ἤθη appellantur. 6 ubbf_iii_0015.88r Logici autem, bnf7582.143 quia in natura et in moribus rationem adiungunt. Ratio enim Graece λόγος dicitur. Divisi sunt autem et hi in haeresibus suis, habentes quidam nomina ex auctoribus, ut Platonici, Epicurei, Pythagorici: alii a locis conventiculorum et stationum suarum, ut Peribmv399.83 vpatetici, Stoici, Academici. 7 Platonici csg237.129 a Platone philosopho dicti. Hi animarum creatorem esse Deum, corporum angelos asserunt; per multos annorum circulos in diversa corpora redire animas dicunt. Stoici a loco dicti. 8 Porticus enim fuit Athenis, quam ποικίλην στοὰν appellabant, in qua picta erant gesta sapientium atque virorum fortium historiae. In hac porticu sapientes philosophabantur, ex quo et Stoici dicti sunt. Graece enim porticus στοᾳ dicitur. bnf10292.157 Hanc sectam primus Zenon instituit. bsb9201.251 9 Hi negant sine virtute bav281.118 r effici quemquam zos32.134v beatum. Omne peccatum uniforme esse asserunt, dicentes: 'Sic ille nocens erit qui paleas furaverit quam qui aurum; qui mergum occiderit quam qui equum. Non enim animal crimen, sed animus facit.' 10 Hi etiam animam cum corpore perire dicunt, animam quoque. Virtutem continentiae esse negant. Affectant gloriam aeternam, cum se fateantur non esse aeternos. 11 Academici appellati a villa Platonis Academia Athenarum, ubi idem Plato docebat. Hi omnia incerta opinantur; sed, sicut fatendum est multa incerta et occulta esse, quae voluit Deus intelligentiam hominis excedere, sic tamen plurima esse quae possint et sensibus capi et ratione conprehendi. 12 bnf425.78 v Hanc sectam csg231.278 Arcesilaus Cyrenaicus philosophus repperit; cuius sectator fuit Democritus, qui dixit tamquam in puteo alto, ita ut fundus nullus sit, ita in occulto iacere veritatem. 13 Peripatetici a deambulatione dicti, eo quod Aristoteles auctor eorum deambulans disputare solitus esset. Hi dicunt quandam particulam animae esse aeternam: de reliquo magna ex parte mortalem. 14 Cynici ab inmunditia inpudentiae nuncupati. Contra humanam enim verecundiam in propatulo coire cum coniugibus eis mos erat, hab64.120 v censentes licitum honestumque esse palam cum uxore concumbere, quia coniugium iustum est, bnf7585.95 v publice bsb71097.243 id praedicantes agendum, ut canes in vicis vel plateis. Unde et a canibus, quorum vitam imitabantur, etiam vocabulum nomenque traxerunt. 15 Epicurei dicti ab Epicuro quodam philosopho amatore vanitatis, non sapientiae, quem etiam ipsi philosophi porcum nominaverunt, quasi volutans in caeno carnali, voluptatem corporis summum bonum adserens; qui etiam dixit nulla divina providentia instructum esse aut regi mundum. 16 Sed originem bnf426.171 rerum atomis, id est insecabilibus ac solidis corporibus adsignavit, quorum fortuitis concursionibus universa nascantur et nata sint. Adserunt autem Deum nihil agere; omnia constare corporibus: bsb9201.252 animam nihil aliud esse quam corpus. Unde et dixit: 'Non ero, posteazos32.135rquam mortuus fuero.' 17 Gymnosophistae nudi per opacas Indiae bmv399.84 r solitudines perhibentur bav281.118 v philosophari, adhibentes tantum genitalibus tegmina. Gymnasium enim ex eo dictum est, quod iuvenes nudi exercerentur in campo, ubi pudenda sola tantum operiunt. ubbf_iii_0015.88v Hi et a generando se cohibent. 18 Theologi autem idem sunt qui et Physici. Dicti autem csg231.279 Theologi, quoniam in scriptis suis de Deo dixerunt. Quorum varia constat opinio, quid Deus esset dum quaererent. Quidam enim corporeo sensu hunc mundum visibilem ex quattuor elementis Deum esse dixerunt, ut Dionysius Stoicus. Alii vero spiritaliter intellexerunt mentem esse Deum, bnf7582.144 ut Thales Milesius. 19 Quidam animum in omnibus bnf11864.119 bnf7589.62 r commanentem et lucidum, ut Pythagoras. Quidam Deum sine tempore incommutabilem, ut Plato. Quidam mentem solutam, ut Cicero. Quidam et spiritum et mentem, ut Maro. Inventum enim solummodo Deum, non ut invenerunt, exposuerunt, quia evanuerunt in cogitationibus suis. Dicentes enim se esse sapientes stulti facti sunt. 20 [Item] Platonici quidem Deum curatorem et arbitrum et iudicem asserunt. Epicurei otiosum et inexercitatum. De mundo autem Platonici adfirmant incorporalem; bnf10292.158 Stoici corporalem; Epicurus atomis; Pythagoras ex numeris; Heraclitus ex igni. 21 Unde et Varro csg237.130 ignem mundi animum dicit, proinde quod in mundo bnf10291.66 ignis omnia gubernet, sicut animus in nobis. Quam vanissime: 'Qui cum est,' inquit, 'in nobis, ipsi sumus: cum exit, emorimur.' Ergo et ignis cum de mundo per fulgura proficiscitur, mundus emoritur. 22 hab64.121 r Hi philosophorum errores etiam et apud Ecclesiam induxerunt haereses. bsb71097.244 Inde αἰῶνες et formae bnf425.79 r nescio quae, inde apud Arium Trinitas nominis, et apud Valentinum Platonicus furor. 23 Inde Marcionis Deus melior de tranquillitate: ab Stoicis enim venerat; et ut anima interire dicatur, Epicurus observatur; et ut carnis restitutio negetur, de vana omnium philosophorum schola sumitur; et ubi materia cum Deo bnf7585.96 r aequatur, Zenonis disciplina est; et ubi quid de igneo Deo legitur, bsb9201.253 Heraclitus intervenit. Eadem materia csg231.280 apud haereticos bnf7583.98 et philosophos volutatur, idem retractatus inplicantur.
csg233.86 dkb235.60r
Isidorus, Etymologiae, Liber 8, V De haeresibus christianorum <<< >>> VII De poetis
monumenta.ch > Isidorus > 6
© 2006 - 2026 Monumenta Informatik