[5] Communis cursus vitae praesentis est tentationibus apprehendi. Nam ad virtutis exercitium Hierosolymitis relictus est Iebusaeus ; et Apostolo spiritus Satanae datus est, ne revelationibus extollatur . Arenam pugnae ancipitis ingressus es, in qua non apprehendes bravium, nisi curras, non coronaberis, nisi pugnes . Dominus autem fortitudo plebis suae, Dominus virtutum, Dominus fortis et potens in praelio , ipse doceat manus tuas ad praelium, et digitos tuos ad bellum.