[3] Offendisti omnes qui aderant, et ut attritae frontis homo, et verecundiae prodigus, nec pepercisti ordini tuo, sed nec episcopis assidentibus, nec ipsi principi detulisti. Porro etsi aliquis eorum contra te, aut etiam contra me, sicut asseris, aliquod verbum amaritudinis protulisset, non sic tamen excanduisse debueras, ut tuae mentis impetum in publicam eorum contumeliam retorqueres.