monumenta.ch > Seneca > sectio 5

Word Selection for Searching

Report an Error in this Sectio
Seneca, Octavia, 780, 5
Chor: Quos iam tenet Poppaea concordi fide?
Nvnt: Hic urit animos pertinax nimium favor
et in furorem temere praecipites agit:
quaecumque claro marmore effigies stetit
aut aere fulgens, ora Poppaeae gerens,
afflicta vulgi manibus et saevo iacet
eversa ferro; membra per partes trahunt
deducta laqueis, obruunt turpi diu
calcata caeno, verba conveniunt feris
immixta factis quae timor reticet meus.