monumenta.ch > Florus Lugdunensis > sectio 20

Word Selection for Searching

Report an Error in this Sectio
Florus Lugdunensis, Carmina religiosa, 5, 20
Ista salutiferi sequitur laus inclyta ligni,
Quo veteris mire deleta est cautio culpae,
Dum genus humanum vetiti quod tactio ligni
Perpetuae mortis dura ditione gravarat,
Per lignum aeternae recipit nova gaudia vitae,
Cum Christus sacras expandens in cruce palmas,
Adae dira pio tersit delicta priore.