monumenta.ch > Florus Lugdunensis > sectio 26

Word Selection for Searching

Report an Error in this Sectio
Florus Lugdunensis, Carmina religiosa, 4, 26
Attamen ex ipsis quemdam tua dextera iustum
Ereptum flammis scelerata eduxit ab urbe
Quem geminae natae misera cum matre sequuntur,
Et montana petunt, tanta ne in strage perirent:
Sed nimium infelix subito perculsa fragore
Respexit coniux, poenamque experta remansit,
Hic natae solo solae cum patre relictae
Mortales periisse ratae, sic fraudibus usae,
Vina seni miscent, bina et sub nocte vicissim
Succumbunt patri, et concepto semine surgunt;
Hinc duo gignuntur post saeva incendia fratres,
Et mortale genus Sodomis pereuntibus augent.