monumenta.ch > Florus Lugdunensis > sectio 19

Word Selection for Searching

Report an Error in this Sectio
Florus Lugdunensis, Carmina religiosa, 4, 19
Tu iustum quemdam propria cum prole domoque
Diluvii ex undis arca vectrice reservas,
Ut genus in terris uno de semine surgens
Una morte ruens, una de stirpe resurgat,
Atque homines mundos tellus mundata foveret,
Nec vita indigni fruerentur munere vitae
O virtus aeterna Dei, quam machina mundi
Suscipit auctorem, cui servit terra polusque,
Tu tibi sublimes quaerens coniungere amicos,
Ignibus ex mediis primum sine labe vocasti,
Qui patriae fines et tristia regna relinquens,
Crevit in ingentes peregrino in limite gentes.