monumenta.ch > Florus Lugdunensis > sectio 11

Word Selection for Searching

Report an Error in this Sectio
Florus Lugdunensis, Carmina religiosa, 3, 11
In propria venit, proprii hunc sprevere superbi:
Quique autem illius credentes nomine sacro
Mente receperunt humili et pietate fideli,
Hos dedit esse Deo claros in saecula natos,
Quos non sanguinibus genitos, non carne creatos
Nec prorsus ulla illecebra generante virili
Divinam in prolem divinus Spiritus edit.