7,27,12
|Seite 306| ibi nona turbatio diuturnas crassas ac paene tractabiles tenebras habuit, plus omnino periculi |Seite 307| comminata quam fecit: hic itidem nona correptio fuit, cum Aureliano persecutionem decernenti diris turbinibus terribile ac triste fulmen sub ipsis pedibus ruit ostendens, quid, cum ultio talis exigeret, tantus possit ultor, nisi et clemens esset et patiens; quamquam intra sex abhinc menses tres succidui imperatores, hoc est Aurelianus Tacitus et Florianus, diversis causis interfecti sunt.