7,25,14
|Seite 302| sequitur terrae motus in Syria, ex quo apud Tyrum et Sidonem passim labentibus tectis multa hominum milia prostrata sunt. secundo persecutionis anno Diocletianus ab invito exegit Maximiano, ut simul purpuram imperiumque deponerent ac iunioribus in rempublicam substitutis ipsi in privato otio consenescerent. itaque sub una die Diocletianus apud Nicomediam, Maximianus apud Medi |Seite 303| olanium potestatem imperii simul cultumque deposuerunt.