7,22,6
non enim de solo constitutore praecepti iusto supplicium iudicio flagitabatur sed etiam exsecutores delatores accusatores spectatores ac iudices, postremo omnes qui iniustissimae crudelitati vel tacita voluntate adsentabantur - quia Deus secretorum cognitor est - quorum maxima per omnes provincias pars hominum versabatur, eadem ultionis plaga corripi iustum erat. solvuntur repente undique permissu Dei ad hoc circumpositae relictaeque gentes laxatisque habenis in omnes Romanorum fines invehuntur.