6,19,1
Antonius vero postquam Araxim transmisit, omnibus undique malis circumventus, vix tandem Antiochiam cum paucis rediit. nam cum multitudine equitum et sagittarum ab omnibus proeliis, quae plura temptavit, victus semper effugerit tum praeterea incertis et ignotis regionis locis impeditus gravissima fame ad nefandos cibos coactus est; plurimi militum sese hostibus dediderunt.