6,16,1
Alexandrinis petentibus regem reddidit monitum, ut magis amicitiam Romanam quam arma experiri studeret; qui tamen ilico ut liber fuit bellum intulit, sed continuo cum toto exercitu suo et ipse deletus est. nam viginti milia hominum in eo bello caesa referuntur, duodecim milia cum septuaginta longis navibus dedita, quingenti ex victoribus cecidisse dicuntur.