2,5,7
Veientes Etrusci graves hostes adiunctis sibi finitimorum copiis in bella surgentes obviis M. Fabio et Cn. Manlio consulibus excipiuntur: ubi post sacramentum iurationis, quo se Romani devoverant non nisi post victoriam ad castra redituros, adeo atrox certamen fuit et victis victoribusque par forma, ut, amisso plurimo exercitu occisisque in pugna Manlio consule et Fabio consulari, M. Fabius consul oblatum sibi a senatu triumphum suscipere recusarit, quia tantis reipublicae detrimentis luctus potius debebatur.