1,10,19
His etiam temporibus adeo iugis et gravis aestus incanduit, ut sol per devia transvectus universum orbem non calore affecisse sed igne torruisse dicatur, inpressumque fervorem et Aethiops plus solitum et insolitum Scytha non tulerit; ex quo etiam quidam dum non concedunt Deo ineffabilem potentiam suam, inanes ratiunculas conquirentes ridiculam Phaethontis fabulam texuerunt.