Momm. 31
Secundum quod dicit apostolus Paulus in actibus apostolorum ad Iudaeos [Act. 13.16]: viri Israhelitae et qui timetis deum, audite: deus plebis huius Israhel elegit patres nostros propter plebem et exaltavit in incolatu in terra Aegypti et in brachio excelso eduxit illos ex ea. et per quadraginta annorum tempus circuegit illos in deserto, et destituens septem gentes in terra Chanaan sorte distribuit terram illorum, et aequaliter annis CCCCLXXX dedit iudices usque ad Samuhel prophetam. et exinde postulaverunt regem Saul filium Cis. et hunc dedit illis virum de tribu Beniamin.