Search in Pelagius I, Epistolae and in Codex 2777 A,a HELP

Pelagius I, Epistolae, EPISTOLA VII ( olim VIII). AD SAPAUDUM EPISCOPUM
Edition: unidentified

Missing Text

(6)

EPISTOLA VII ( olim VIII). AD SAPAUDUM EPISCOPUM ARELATENSEM. Salutatoria priusquam a Sapaudo litteras acciperet.
1	Dilectissimo fratri Sapaudo Pelagius.
2	Quae nobiscum omnipotentis Dei gratia fuerit operata, ad charitatem tuam credimus fuisse perlatum; pro qua re ad nos destinari convenerat, ut visitatione communi magno invicem gaudio frueremur.
3	Nos tamen fraternae memores charitatis, praesentium portitorum occasione reperta, officium fraternae salutationis impendimus, optantes ut alterna in timore Domini charitate viventes, mutuo frequenter refoveamur alloquio.
4	Deus te incolumem custodiat, frater charissime.
5	Data IV nonarum Iuliarum, anno 15 post consulatum Basilii viri clarissimi (An. Christi 556).
(11)
	ENABLE LINKS PER WORD Report an Error or Make a Suggestion