monumenta.ch Lucanus Show Session Trace

Search in Lucanus, Bellum civile and in Codex 864 A,a HELP

Lucanus, Bellum civile, Liber VI
Edition: unidentified

Synoptical Presentation with Other Manuscripts

639	per scopulos miserum trahitur per saxa cadaver
640	victurum, montisque cavi, quem tristis Erictho
641	damnarat sacris, alta sub rupe locatur.
642	haud procul a Ditis caecis depressa cavernis
643	hab4112.57 r in praeceps subsedit humus, quam pallida pronis
644	urguet silva comis et nullo vertice caelum csg863.154
645	bnf8041.122 suspiciens Phoebo non pervia taxus opacat.
646	marcentes intus tenebrae pallensque sub antris
647	bnf10315.72 longa nocte situs numquam nisi carmine factum
648	lumen habet. non Taenariis sic faucibus aer
649	sedit iners, maestum mundi confine latentis
650	ac nostri, quo non metuant admittere manes
651	Tartarei reges. nam, quamvis Thessala vates
652	vim faciat fatis, dubium est, quod traxerit illuc
653	aspiciat Stygias an quod descenderit umbras.
654	discolor et vario furialis cultus amictu
655	induitur, vultusque aperitur crine remoto,
656	et coma vipereis substringitur horrida sertis.
657	ut pavidos iuvenis comites ipsumque trementem
658	conspicit exanimi defixum lumina vultu,
659	'ponite' ait 'trepida conceptos mente timores:
660	bnf8039.58 iam nova, iam vera reddetur vita figura,
661	ut quamvis pavidi possint audire loquentem.
662	si vero Stygiosque lacus ripamque sonantem
663	ignibus ostendam, si me praebente videri
664	Eumenides possint villosaque colla colubris
665	Cerberus excutiens et vincti terga gigantes,
666	quis timor, ignavi, metuentis cernere manes?'
667	pectora tum primum ferventi sanguine supplet
668	vulneribus laxata novis taboque medullas
669	abluit et virus large lunare ministrat.
670	huc quidquid fetu genuit natura sinistro
671	miscetur: non spuma canum quibus unda timori est,
672	viscera non lyncis, non durae nodus hyaenae
	ENABLE LINKS PER WORD HIDE LINKS TO OTHER MANUSCRIPTS Report an Error or Make a Suggestion