Edition: Franz Bücheler, Berlin, 1893
| Iuvenalis, Saturae, XII Edition: Franz Bücheler, Berlin, 1893 | |
| Synoptical Presentation with Other Manuscripts | ||
| (a9) | ||
| bnf8070.98-a18 Satura XII olb329.27 r-19 hlh40.57 r hab156.44 r csg871.128-21 cb101.45r-16 bumMs.H125.63 v-6 bsb126188.134-7 bnf9345.148 r-11 bnf8071.28-a2 bavPal.lat.1703.37 r-13 bavPal.lat.1701.53 v-18 | ||
| 1 | Natali, Corvine, die mihi dulcior haec lux, | |
| 2 | qua festus promissa deis animalia caespes | |
| 3 | hlh40.57 v expectat. niveam reginae ducimus agnam, | |
| 4 | csg871.129 par vellus dabitur pugnanti Gorgone Maura; | |
| 5 | sed procul extensum petulans quatit hostia funem | |
| 6 | Tarpeio servata Iovi frontemque coruscat, | |
| 7 | quippe ferox vitulus templis maturus et arae | |
| 8 | spargendusque mero, quem iam pudet ubera matris | |
| 9 | ducere, qui vexat nascenti robora cornu. | |
| 10 | si res ampla domi similisque adfectibus esset, | |
| 11 | pinguior Hispulla traheretur taurus et ipsa | |
| 12 | bavPal.lat.1701.54 r mole piger, nec finitima nutritus in herba, | |
| 13 | laeta sed ostendens Clitumni pascua sanguis | |
| 14 | et grandi cervix iret ferienda ministro | |
| 15 | ob reditum trepidantis adhuc horrendaque passi | |
| 16 | olb329.27 v nuper et incolumem sese mirantis amici. | |
| 17 | nam praeter pelagi casus et fulminis ictus | |
| 18 | evasit. densae caelum abscondere tenebrae | |
| 19 | cb101.45v bsb126188.135 nube una subitusque antemnas inpulit ignis, | |
| 20 | bnf8070.99 cum se quisque illo percussum crederet et mox | |
| 21 | attonitus nullum conferri posse putaret | |
| 22 | naufragium velis ardentibus. omnia fiunt | |
| 23 | talia, tam graviter, si quando poetica surgit | |
| 24 | tempestas. genus ecce aliud discriminis audi | |
| 25 | bumMs.H125.64 r bnf9345.148 v et miserere iterum, quamquam sint cetera sortis | |
| 26 | eiusdem pars dira quidem sed cognita multis | |
| 27 | hlh40.58 r csg871.130 et quam votiva testantur fana tabella | |
| 28 | hab156.44 v plurima: pictores quis nescit ab Iside pasci? | |
| 29 | accidit et nostro similis fortuna Catullo. | |
| 30 | bavPal.lat.1703.37 v cum plenus fluctu medius foret alveus et iam | |
| 31 | alternum puppis latus evertentibus undis | |
| 32 | arboris incertae, nullam prudentia cani | |
| 33 | rectoris cum ferret opem, decidere iactu | |
| 34 | coepit cum ventis, imitatus castora, qui se | |
| 35 | eunuchum ipse facit cupiens evadere damno | |
| 36 | testiculi: adeo medicatum intellegit inguen. | |
| 37 | 'fundite quae mea sunt' dicebat 'cuncta' Catullus | |
| 38 | praecipitare volens etiam pulcherrima, vestem | |
| 39 | purpuream teneris quoque Maecenatibus aptam, | |
| 40 | bavPal.lat.1701.54 v atque alias quarum generosi graminis ipsum | |
| 41 | infecit natura pecus, sed et egregius fons | |
| 42 | viribus occultis et Baeticus adiuvat aer. | |
| 43 | bsb126188.136 ille nec argentum dubitabat mittere, lances | |
| 44 | Parthenio factas, urnae cratera capacem | |
| 45 | et dignum sitiente Pholo vel coniuge Fusci; | |
| 46 | adde et bascaudas et mille escaria, multum | |
| 47 | caelati, biberat quo callidus emptor Olynthi. | |
| 48 | csg871.131 sed quis nunc alius, qua mundi parte quis audet | |
| 49 | olb329.28 r argento praeferre caput rebusque salutem? | |
| 50 | [non propter vitam faciunt patrimonia quidam, | |
| 51 | hlh40.58 v sed vitio caeci propter patrimonia vivunt.] | |
| 52 | cb101.46r iactatur rerum utilium pars maxima, sed nec | |
| 53 | damna levant. tunc adversis urguentibus illuc | |
| 54 | bumMs.H125.64 v reccidit ut malum ferro summitteret, ac se | |
| 55 | explicat angustum: discriminis ultima, quando | |
| 56 | bnf8070.100 praesidia adferimus navem factura minorem. | |
| 57 | i nunc et ventis animam committe dolato | |
| 58 | confisus ligno, digitis a morte remotus | |
| 59 | bnf9345.149 r quattuor aut septem, si sit latissima, taedae; | |
| 60 | mox cum reticulis et pane et ventre lagonae | |
| 61 | accipe sumendas in tempestate secures. | |
| 62 | hab156.45 r sed postquam iacuit planum mare, tempora postquam | |
| 63 | prospera vectoris fatumque valentius euro | |
| 64 | et pelago, postquam Parcae meliora benigna | |
| 65 | pensa manu ducunt hilares et staminis albi | |
| 66 | lanificae, modica nec multum fortior aura | |
| 67 | bsb126188.137 ventus adest, inopi miserabilis arte cucurrit | |
| 68 | bavPal.lat.1701.55 r vestibus extentis et, quod superaverat unum, | |
| 69 | velo prora suo. iam deficientibus austris | |
| 70 | bavPal.lat.1703.38 r spes vitae cum sole redit. tum gratus Iulo | |
| 71 | csg871.132 atque novercali sedes praelata Lavino | |
| 72 | conspicitur sublimis apex, cui candida nomen | |
| 73 | scrofa dedit, laetis Phrygibus mirabile sumen | |
| 74 | bnf8071.29 et numquam visis triginta clara mamillis. | |
| 75 | hlh40.59 r tandem intrat positas inclusa per aequora moles | |
| 76 | Tyrrhenamque pharon porrectaque bracchia rursum | |
| 77 | quae pelago occurrunt medio longeque relincunt | |
| 78 | Italiam; non sic igitur mirabere portus | |
| 79 | quos natura dedit. sed trunca puppe magister | |
| 80 | interiora petit Baianae pervia cumbae | |
| 81 | tuti stagna sinus, gaudent ubi vertice raso | |
| 82 | olb329.28 v garrula securi narrare pericula nautae. | |
| 83 | bumMs.H125.65 r ite igitur, pueri, linguis animisque faventes | |
| 84 | sertaque delubris et farra inponite cultris | |
| 85 | cb101.46v ac mollis ornate focos glebamque virentem. | |
| 86 | iam sequar et sacro, quod praestat, rite peracto | |
| 87 | inde domum repetam, graciles ubi parva coronas | |
| 88 | accipiunt fragili simulacra nitentia cera. | |
| 89 | hic nostrum placabo Iovem Laribusque paternis | |
| 90 | tura dabo atque omnis violae iactabo colores. | |
| 91 | bsb126188.138 cuncta nitent, longos erexit ianua ramos | |
| 92 | bnf8070.101 et matutinis operatur festa lucernis. | |
| 93 | neu suspecta tibi sint haec, Corvine, Catullus, | |
| 94 | csg871.133 bnf9345.149 v pro cuius reditu tot pono altaria, parvos | |
| 95 | tres habet heredes. libet expectare quis aegram | |
| 96 | hab156.45 v bavPal.lat.1701.55 v et claudentem oculos gallinam inpendat amico | |
| 97 | tam sterili; verum haec nimia est inpensa, coturnix | |
| 98 | nulla umquam pro patre cadet. sentire calorem | |
| 99 | hlh40.59 v si coepit locuples Gallitta et Pacius orbi, | |
| 100 | legitime fixis vestitur tota libellis | |
| 101 | porticus, existunt qui promittant hecatomben, | |
| 102 | quatenus hic non sunt nec venales elephanti, | |
| 103 | nec Latio aut usquam sub nostro sidere talis | |
| 104 | belva concipitur, sed furva gente petita | |
| 105 | arboribus Rutulis et Turni pascitur agro, | |
| 106 | Caesaris armentum nulli servire paratum | |
| 107 | privato, siquidem Tyrio parere solebant | |
| 108 | Hannibali et nostris ducibus regique Molosso | |
| 109 | horum maiores ac dorso ferre cohortis, bavPal.lat.1703.38 v | |
| 110 | partem aliquam belli, et euntem in proelia turrem. | |
| 111 | nulla igitur mora per Novium, mora nulla per Histrum bumMs.H125.65 v | |
| 112 | Pacuvium, quin illud ebur ducatur ad aras | |
| 113 | et cadat ante Lares Gallittae victima sola | |
| 114 | tantis digna deis et captatoribus horum. olb329.29 r bsb126188.139 | |
| 115 | alter enim, si concedas, mactare vovebit | |
| 116 | de grege servorum magna et pulcherrima quaeque csg871.134 | |
| 117 | corpora, vel pueris et frontibus ancillarum cb101.47r | |
| 118 | inponet vittas et, si qua est nubilis illi | |
| 119 | Iphigenia domi, dabit hanc altaribus, etsi | |
| 120 | non sperat tragicae furtiva piacula cervae. | |
| 121 | laudo meum civem, nec comparo testamento | |
| 122 | mille rates; nam si Libitinam evaserit aeger, hlh40.60 r | |
| 123 | delebit tabulas inclusus carcere nassae bavPal.lat.1701.56 r | |
| 124 | post meritum sane mirandum atque omnia soli | |
| 125 | forsan Pacuvio breviter dabit, ille superbus | |
| 126 | incedet victis rivalibus. ergo vides quam | |
| 127 | grande operae pretium faciat iugulata Mycenis. bnf9345.150 r | |
ENABLE LINKS PER WORD HIDE LINKS TO OTHER MANUSCRIPTS Report an Error or Make a Suggestion | ||
| |