monumenta.ch > Hieronymus > Matthaeus, 17
Hieronymus, Matthaeus, 16 <<<     >>> 18

Caput 17 HIDE LINKS TO MANUSCRIPTS

uwb1.206bsb6573.45 v
1 et post dies sex adsumpsit Iesus Petrum et Iacobum et Iohannem fratrem eius csg51.43 et ducit illos in montem excelsum seorsum
2 et transfiguratus est ante eos et resplenduit facies eius sicut sol vestimenta autem eius facta sunt alba sicut nix
3 uwb1.205 et ecce apparuit illis Moses et Helias cum eo loquentes
4 respondens autem Petrus bnf17226.64 dixit ad Iesum Domine bonum est nos hic esse si vis faciamus hic tria tabernacula tibi unum et Mosi unum et Heliae unum
5 adhuc eo loquente ecce nubes lucida bsb6573.44 v obumbravit eos et ecce vox de nube dicens hic est Filius meus dilectus in quo mihi bene conplacuit ipsum csg48.71 audite
6 et audientes discipuli ceciderunt in faciem suam et timuerunt valde
7 et accessit Iesus et tetigit eos dixitque eis surgite et nolite timere
8 levantes autem oculos suos neminem viderunt nisi solum Iesum
9 et descendentibus illis uwb68.44 v bnf9389.46 v de monte praecepit Iesus dicens nemini dixeritis visionem donec Filius hominis a mortuis resurgat
10 et interrogaverunt csg75.703 eum discipuli dicentes quid ergo scribae dicunt quod Heliam oporteat primum venire
11 at ille respondens ait eis Helias quidem venturus est et restituet omnia
12 dico autem vobis quia Helias bsb6573.45 r iam venit et non cognoverunt eum sed fecerunt in eo quaecumque voluerunt sic et Filius hominis passurus est ab eis
13 tunc intellexerunt discipuli quia de Iohanne Baptista dixisset eis
14 et cum venisset ad turbam accessit ad eum homo genibus provolutus ante eum dicens Domine miserere filii mei quia lunaticus est et male patitur nam saepe cadit in ignem et crebro in aquam
15 et obtuli eum discipulis tuis et non potuerunt csg51.44 curare eum
16 respondens Iesus ait o generatio incredula et perversa quousque ero vobiscum usquequo patiar vos adferte huc illum ad me
17 et increpavit csg48.72 ei Iesus et exiit ab eo daemonium et curatus est puer ex illa hora
18 tunc accesserunt discipuli ad Iesum secreto bnf9389.47 r et dixerunt bnf17226.65 quare nos non potuimus eicere illum
19 dicit illis propter incredulitatem vestram amen quippe dico vobis si habueritis fidem sicut granum sinapis dicetis monti huic transi hinc et transibit et nihil inpossibile erit vobis
20 hoc autem genus non eicitur nisi per orationem et ieiunium
21 conversantibus autem eis in Galilaea dixit illis Iesus Filius hominis tradendus uwb68.45 r est in manus hominum
22 et occident eum et tertio die resurget et contristati sunt vehementer
23 et cum venissent Capharnaum accesserunt qui didragbsb6573.46 rma uwb1.201 accipiebant ad Petrum et dixerunt magister vester non solvit didragma
24 ait etiam et cum intrasset domum praevenit eum Iesus dicens quid tibi videtur Simon reges terrae a quibus accipiunt tributum vel censum a filiis suis an ab alienis
25 et ille dixit ab alienis dixit csg48.73 illi Iesus ergo liberi sunt filii
26 ut autem non scandalizemus eos vade ad mare et mitte hamum bnf9389.47 v et eum piscem qui primus ascenderit tolle et aperto ore eius invenies staterem illum sumens da eis pro me et te



Hieronymus, Matthaeus, 16 <<<     >>> 18
monumenta.ch > Hieronymus > Matthaeus, 17

© 2006 - 2022 Monumenta Informatik