monumenta.ch > Gregorius Magnus > 8
Gregorius Magnus, Homiliae in Evangelia, 1, HOMILIA VII.Habita ad populum in basilica sancti Petri apostoli, Dominica quarta in Adventu Domini. <<<     >>> HOMILIA IX.Habita ad populum in basilica sancti Silvestri, in die natalis eius.

HOMILIA VIII.Habita ad populum in basilica beatae Mariae Virginis, in die Natalis Domini. HIDE LINKS TO MANUSCRIPTS HIDE APPARATUS

0 LECTIO S. EVANG. SEC. LUC. [Luc. II, 1-14] In illo tempore, exiit edictum a Caesare Augusto, ut describeretur universus orbis. Haec descriptio prima facta est a praeside Syriae Cyrino. Et ibant omnes ut profiterentur, singuli in suam civitatem. Ascendit autem et Ioseph a Galilaea de civitate Nazareth, in Iudaeam in civitatem David, quae vocatur Bethlehem, eo quod esset de domo et familia David, ut profiteretur bsb32655.146 cum Maria desponsata sibi uxore praegnante. Factum est autem, cum essent ibi, impleti sunt [Belv., dies Mariae, ut pareret.] dies ut pareret. Et peperit filium suum primogenitum; et pannis eum involvit, et reclinavit eum in praesepio, quia non erat ei locus in diversorio. Et pastores erant in regione eadem, vigilantes et custodientes vigilias noctis super gregem suum. Et ecce angelus Domini stetit iuxta illos, et claritas Dei circumfulsit illos, et timuerunt timore magno. Et dixit illis angelus: Nolite timere. Ecce enim evangelizo bsb32655.147 vobis gaudium magnum, quod erit omni populo, quia natus est vobis hodie Salvator, qui est Christus Dominus, in civitate David. Et hoc vobis signum: Invenietis infantem pannis involutum, et positum in praesepio. Et subito facta est cum angelo multitudo militiae coelestis [Abest exercitus a Mss. C. Germ., Belv., Bigot. Paulo post Corb. Germ. et Belv. habent in excelsis, pro altissimis.] exercitus, laudantium Deum, et dicentium: Gloria in altissimis Deo, et in terra pax hominibus bonae voluntatis. bsb32655.148 Quia, largiente Domino, missarum solemnia ter hodie celebraturi sumus, loqui diu de Evangelica lectione non possumus. Sed nos aliquid vel breviter dicere Redemptoris nostri nativitas ipsa compellit. Quid est quod nascituro Domino mundus describitur, nisi noc quod aperte monstratur, [Excusi, quia ille apparebat in carne.] quia ille veniebat in carne, qui electos suos ascriberet in aeternitate? Quo contra de rebsb32655.149probis per Prophetam dicitur: Deleantur de libro viventium, et cum iustis non scribantur [Psal. LXVIII, 29]. Qui bene etiam in Bethlehem nascitur: Bethlehem quippe domus panis interpretatur. Ipse namque est qui ait: Ego sum panis vivus, qui de coelo descendi [Ioan. VI, 41, 52]. Locus ergo in quo Dominus nascitur, domus panis antea vocatus est, quia futurum profecto erat ut ille ibi per materiam carnis appareret, qui electorum mentes interna satietate reficeret. Qui non in parentum domo, sed in via nascitur, ut profecto ostenderet, bsb32655.150 quia per humanitatem suam quam assumpserat quasi in alieno nascebatur. Alienum videlicet non secundum potestatem dico, sed secundum naturam. Nam de potestate eius scriptum est: In propria venit [Ioan. I, 11]. In natura etenim sua ante tempora natus est, in nostra venit ex tempore. Qui ergo aeternus permanens temporalis apparuit, alienum est ubi descendit. Et quia per prophetam dicitur: Omnis caro fenum [Isai. XL, 6], factus homo, fenum nostrum vertit in frumentum, qui de semetipso ait: Nisi granum frumenti cadens in terram bsb32655.151 mortuum fuerit, ipsum solum manet [Ioan. XII, 24]. Unde et natus in praesepio reclinatur, ut fideles omnes videlicet sancta animalia, carnis suae frumento reficeret, [1 Carnut. et pauci, ne ab interna.] ne ab aeternae intelligentiae pabulo ieiuna remanerent. Quid autem est quod vigilantibus pastoribus angelus apparet, eosque Dei claritas circumfulget, nisi quod illi prae caeteris videre sublimia merentur, qui fidelibus gregibus praeesse [Belvac. et C. Germ., solliciti sunt.] sollicite sciunt? Dumque ipsi pie super gregem vigilant, divina super eos gratia largius coruscat.
2 Regem vero natum bsb32655.152 angelus nuntiat, eiusque voci angelorum chori concinunt, et congaudentes clamant: Gloria in excelsis Deo, et in terra pax hominibus bonae voluntatis. Prius quippe quam Redemptor noster nasceretur per carnem, discordiam cum angelis habuimus, a quorum claritate atque munditia per primae culpae meritum, per quotidiana delicta longe distabamus. Quia enim peccando extranei eramus a Deo, bsb32655.153 extraneos nos a suo consortio deputabant angeli cives Dei. Sed quia nos cognovimus Regem nostrum, recognoverunt nos angeli cives suos. Quia enim coeli Rex terram nostrae carnis assumpsit, infirmitatem nostram illa iam angelica celsitudo non despicit. Ad pacem nostram angeli redeunt, intentionem prioris discordiae postponunt; et quos prius infirmos abiectosque despexerant, iam socios venerantur. Hinc est enim [Turon., Corb. Germ., Belvac., Gemet., etc., quod Loth vel Iosue, ubi vel sumitur pro particula coniunctiva et.] quod Loth [Genes. XIX, 1] et Iosue [Iosue V, 15] angelos adorant, nec tamen adorare bsb32655.154 prohibentur; Ioannes vero in Apocalypsi [Abest sua, a Turon. et pl.] sua adorare angelum voluit, sed tamen idem hunc angelus ne se debeat adorare compescuit, dicens: Vide ne feceris, conservus enim tuus sum et fratrum tuorum [Apoc. XXII, 9]. Quid est quod ante Redemptoris adventum angeli ab hominibus adorantur, et tacent, postmodum vero adorari refugiunt, nisi quod naturam nostram, quam prius despexerant, postquam hanc super se assumptam conspiciunt, substratam sibi videre pertimescunt? Nec iam sub se vebsb32655.155lut infirmam contemnere ausi sunt, quam super se videlicet in coeli Rege venerantur. Nec habere dedignantur hominem socium, qui super se adorant hominem Deum. Curemus ergo, fratres charissimi, ne qua nos immunditia polluat, qui in aeterna [Duo priores Gemet. ac Bigot., praesentia.] praescientia et Dei cives, et angelis eius aequales sumus. Vindicemus moribus dignitatem nostram, nulla nos luxuria inquinet, nulla nos turpis cogitatio accuset, non malitia mentem mordeat, non invidiae rubigo consumat, non elatio inflet, non ambitio per terrena oblectamenta dilaniet, [Haec in Belv., Corb. et C. German., minime leguntur.] bsb32655.156 non ira inflammet. Dii etenim vocati sunt homines. Defende ergo tibi, o homo, contra vitia honorem Dei, quia propter te factus est Deus homo, qui vivit et regnat in saecula saeculorum. Amen.



Gregorius Magnus, Homiliae in Evangelia, 1, HOMILIA VII.Habita ad populum in basilica sancti Petri apostoli, Dominica quarta in Adventu Domini. <<<     >>> HOMILIA IX.Habita ad populum in basilica sancti Silvestri, in die natalis eius.
monumenta.ch > Gregorius Magnus > 8

© 2006 - 2024 Monumenta Informatik