Beda Venerabilis, De Temporum Ratione, 53

monumenta.ch > Beda Venerabilis > 53
Beda, De Temporum Ratione, LII. Argumentum quot sint epactae lunares. <<< >>> LIV. Argumentum quot sint epactae solis, et quando bissexti annus.

CAPUT LIII. De epactis solis. [

BRID. RAMES. GLOSSAE.---Quarto decennovenalis circuli tramite, designantur epactae solis, id est, concurrentes septimanae dies. Concurrentes, hoc est, novus dies Kal. April. Quoniam si dividas annum in septem, remanet unus dies, qui turbat, ut non semper in iisdem diebus fiant Kalendae, et alii dies, quia, verbi gratia, si prima feria fuerint Kalend. Ianuarii, sequenti anno non in prima, sed in secunda erunt; tertio autem anno in tertia feria erunt. Quarto igitur anno non in quarta, sed in quinta, propter bissextum. Circulus solaris ideo usque ad XXVIII annos extenditur, ut singulis feriis bissextus proveniat.

] HIDE LINKS TO MANUSCRIPTS HIDE APPARATUS

1	Quarto decennovenalis circuli tramite designantur epactae solis, id est, concurrentes septimanae dies unius semper ternos per annos, duorum autem per annum bissextilem usque ad septimum numerum adiectione crescentes, quarum circulus habet annos quater septenos, id est, XXVIII, quia nimirum non ante potest consummari quam bissextus, qui quarto redire solet anno, cunctos septimanae dies contingat, dominicam videlicet, sextam feriam, quartam feriam, secundam feriam, Sabbatum, quintam feriam, tertiam feriam, hoc etenim illos ordine percurrit.
2	Cumque suas quaeque anni dies habeat concurrentes, hae quae in circulo adfixae concurrentes sunt, specialiter quae bav1449.94 v sit nono Calendarum Aprilium feria designant, videlicet ut propius festivitatis paschalis csg250.308 exordio positae, facillime diem epactarum, vel decimae quartae lunae quota sit feria pandant, ac per hoc ad paschalis inventionem diei dominici planum faciant iter. Contingit autem eadem concurrentium annua bav1448.92 v dies, quod calculatorem csg251.118 meminisse iuvat, etiam II Calendas Aprilis, VII Idus Aprilis, XVIII Calendarum Maiarum, et XI Calendarum earundem.
3	Cuius circuli talis est cursus, ut quaebmv343.135 vcunque bissextili anno sunt concurrentes, ipsae et ante quinquennium fuerint, et post annos VI futurae sint. Quae primo bnf1615.70 r post bissextum anno sunt, eaedem et ante annos XI transierint, et post VI redeant. Quae secundo post bissextum, eaedem et ante annos VI transierint, et post XI remeent.
4	Quae tertio post bissextum, ipsae et ante VI annos praeterierint, et post V revertantur. Et huius ordo discretionis cunctos annorum vertentium complectitur dies. Notandum sane quod huius gyri solaris, qui XXVIII annis bnf7296.65 peragitur, causa facit decennovenales circulos XXVIII debere compleri, priusquam idem per omnia paschalis observantiae cursus in seipsum redeat, ut omnis nimirum huius circuli annus caput circuli decennovenalis instituat.csg248.171
5	Itemque annus quisque circuli decennovenalis huius caput adsequatur, ac per hoc tota paschalis observantiae series non minus quingentis triginta duobus annis explicetur.