BRID. RAMES. GLOSSAE.---Item ubi ad decimam lunam perveneris, multiplica per quatuor, fiunt quadraginta. Partire per quintam partem. Quinquies octoni, quadrais, octo horis lucet decima luna. Non de aequinoctialibus horis dixit, sed de artificialibus. Huius argumenti glossa iam superius scripta, cuius initium est: «Si vis scire quot punctis vel horis luceat luna, primum considera utrum in augmento sit an in detrimento;» et quae sic finitur: Illud tempus interlunium dicitur.

VETUS COMMENTARIUS.---Huius paginae quatuor sunt figurae: prima, quae est rotunda, indicat quot punctis luceat luna; et quia luna a sole lumen accipit, et semper prima luna, occidente sole oritur.

Quot punctis luceat luna.

In secunda figura item rotunda, duodecim signa exterius quasi in zodiaco ordinantur. Cumque per singulos menses singulorum signorum teneat primordia, exempli gratia ab uno eorum, id est, Ariete coepi, et quot formas a prima usque ad decimam quintam habeat, Graecis nominibus subnotavi: quae deficiendo iterat, quoniam eisdem momentis deficit, quibus crescit, quod designant aetates lunae sub signis descriptae. Sicque fit ut semper appareat menoides versus Occidentem, dichotomos superior versus Septentrionem, panselenos versus Orientem, dichotomos inferior versus meridiem.

Denique CLXXX partibus, id est, CLXXX diebus elongatur a sole, quod demonstrat tertia figura inferior, parte altera longior; nam a prima paulatim XII partibus progressa, CLXXX partibus 15 e regione lunae determinat. Talique modo 14 et 13 et reliquae contra se reliquis concordant, ut tandem 29 XII partibus a sole distet, sicut et prima. Totius vero lunaris circuitus summa deprehenditur in CCCLX, quod ibidem alius ordo denotat, licet desit luna trigesima.